Mustadrak al-Hakim

سیدنا جابر رضی اللہ عنہ سے روایت ہے کہ نجران کا وفد نبی کریم صلی اللہ علیہ و آلہ وسلم کے پاس آیا اور انہوں نے عرض کیا: ”آپ عیسیٰ ابن مریم کے بارے میں کیا فرماتے ہیں؟“ آپ صلی اللہ علیہ و آلہ وسلم نے فرمایا: ”وہ اللہ کی روح، اس کا کلمہ، اللہ کے بندے اور اس کے رسول ہیں۔“ انہوں نے آپ سے کہا: ”کیا آپ کو منظور ہے کہ ہم اس بات پر آپ سے ملاعنہ (مباہلہ) کریں کہ وہ ایسے نہیں ہیں؟“ آپ صلی اللہ علیہ و آلہ وسلم نے فرمایا: ”کیا تمہیں یہی زیادہ پسند ہے؟“ انہوں نے کہا: ”جی ہاں۔“ آپ صلی اللہ علیہ و آلہ وسلم نے فرمایا: ”پس جب تم چاہو۔“ چنانچہ نبی کریم صلی اللہ علیہ و آلہ وسلم تشریف لائے اور آپ نے اپنی اولاد اور حسن و حسین رضی اللہ عنہم کو جمع کیا۔ تو ان (نجرانیوں) کے سردار نے کہا: ”اس شخص سے ملاعنہ مت کرو، اللہ کی قسم! اگر تم نے ان سے ملاعنہ کیا تو دونوں گروہوں میں سے ایک کو ضرور زمین میں دھنسا دیا جائے گا۔“ چنانچہ وہ آئے اور کہنے لگے: ”اے ابوالقاسم! آپ سے ملاعنہ کرنے کا ارادہ تو ہمارے بے وقوفوں نے کیا تھا، اور ہم چاہتے ہیں کہ آپ ہمیں اس سے معاف کر دیں۔“ آپ صلی اللہ علیہ و آلہ وسلم نے فرمایا: ”میں نے تمہیں معاف کر دیا۔“ پھر آپ صلی اللہ علیہ و آلہ وسلم نے فرمایا: ”یقیناً عذاب نجران پر سایہ فگن ہو چکا تھا۔“
یہ حدیث امام مسلم کی شرط پر صحیح ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ: تَوَارِيخِ الْمُتَقَدِّمِينَ مِنَ الْأَنْبِيَاءِ وَالْمُرْسَلِينَ/حدیث: 4202]