Mustadrak al-Hakim

سیدنا ابوہریرہ رضی اللہ عنہ سے اللہ تعالیٰ کے اس فرمان ﴿أَوْ آوِي إِلَى رُكْنٍ شَدِيدٍ﴾ [سورة هود: 80] کے متعلق روایت ہے، انہوں نے کہا کہ رسول اللہ صلی اللہ علیہ و آلہ وسلم نے فرمایا: ”اللہ تعالیٰ لوط علیہ السلام پر رحم فرمائے، وہ ایک مضبوط سہارے (یعنی اللہ تعالیٰ) کی پناہ لیتے تھے۔ اور اللہ تعالیٰ نے ان کے بعد جو بھی نبی بھیجا تو اسے اس کی قوم کے ایک معزز اور کثیر کنبے (طاقتور قبیلے) میں بھیجا۔“
یہ حدیث امام مسلم کی شرط پر صحیح ہے، لیکن شیخین نے اسے اس اضافے کے ساتھ روایت نہیں کیا، البتہ ان دونوں کا زہری کی حدیث پر اتفاق ہے جو وہ سعید اور ابوعبید سے اور وہ سیدنا ابوہریرہ رضی اللہ عنہ سے مختصراً روایت کرتے ہیں۔ [المستدرك على الصحيحين/كِتَابُ: تَوَارِيخِ الْمُتَقَدِّمِينَ مِنَ الْأَنْبِيَاءِ وَالْمُرْسَلِينَ/حدیث: 4098]