Mustadrak al-Hakim

سیدنا علی بن ابی طالب رضی اللہ عنہ سے روایت ہے کہ ایک راہب اپنی عبادت گاہ میں عبادت کیا کرتا تھا، ایک عورت نے اسے اپنی طرف مائل کیا جس کی وجہ سے وہ اس سے بدکاری کر بیٹھا اور وہ حاملہ ہو گئی، پھر اس کے پاس شیطان آیا اور کہنے لگا: اسے قتل کر دے، کیونکہ اگر لوگوں کو اس کا علم ہو گیا تو تو رسوا ہو جائے گا، چنانچہ اس نے اسے قتل کر کے دفن کر دیا، پھر لوگ آئے اور اسے پکڑ کر لے جانے لگے، ابھی وہ جا ہی رہے تھے کہ شیطان اس کے پاس آیا اور کہنے لگا: میں ہی تھا جس نے تجھے اس گناہ پر اکسایا تھا، اب تو مجھے ایک سجدہ کر دے میں تجھے اس مصیبت سے بچا لوں گا، پس اس نے اسے سجدہ کر دیا، تب اللہ عزوجل نے یہ آیت نازل فرمائی: ﴿كَمَثَلِ الشَّيْطَانِ إِذْ قَالَ لِلْإِنْسَانِ اكْفُرْ فَلَمَّا كَفَرَ قَالَ إِنِّي بَرِيءٌ مِنْكَ﴾ [الحشر: 16]
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3843]