Mustadrak al-Hakim

سیدنا انس بن مالک رضی اللہ عنہ سے روایت ہے کہ انہوں نے یہ آیت تلاوت فرمائی: ﴿فَإِمَّا نَذْهَبَنَّ بِكَ فَإِنَّا مِنْهُمْ مُنْتَقِمُونَ﴾ [الزخرف: 41] ”پھر اگر ہم آپ کو (دنیا سے) لے جائیں تو بھی ہم ان سے انتقام لینے والے ہیں۔“ پھر انہوں نے فرمایا: رسول اللہ صلی اللہ علیہ و آلہ وسلم تو تشریف لے گئے لیکن انتقام (سزا) باقی رہ گئی، اور اللہ تعالیٰ نے اپنے نبی صلی اللہ علیہ و آلہ وسلم کو آپ کی امت میں کوئی ایسی ناپسندیدہ چیز نہیں دکھائی جو آپ صلی اللہ علیہ و آلہ وسلم کی آنکھوں کو بری لگے یہاں تک کہ آپ صلی اللہ علیہ و آلہ وسلم رخصت ہو گئے، اور کوئی نبی ایسا نہیں گزرا جس نے اپنی امت میں (اپنی زندگی ہی میں) سزا نہ دیکھی ہو سوائے تمہارے نبی صلی اللہ علیہ و آلہ وسلم کے۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3713]