Mustadrak al-Hakim

سیدنا بریدہ اسلمی رضی اللہ عنہ سے روایت ہے کہ کچھ لوگ رسول اللہ صلی اللہ علیہ و آلہ وسلم کی خدمت میں حاضر ہوئے اور آپ صلی اللہ علیہ و آلہ وسلم سے (مال کا) سوال کرنے لگے کہ ہمیں عطا فرمائیے، یہاں تک کہ آپ صلی اللہ علیہ و آلہ وسلم کو یہ بات ناگوار گزری، پھر کچھ دوسرے لوگ آئے اور انہوں نے عرض کیا: ہم رسول اللہ صلی اللہ علیہ و آلہ وسلم کو سلام کرنے، دین کی سمجھ بوجھ حاصل کرنے اور اس کائنات کی ابتدا کے بارے میں پوچھنے حاضر ہوئے ہیں، تو آپ صلی اللہ علیہ و آلہ وسلم نے فرمایا: ”اللہ تعالیٰ (ہمیشہ سے) تھا اور اس کے سوا کوئی چیز نہ تھی، اس کا عرش پانی پر تھا، اس نے ذکر (لوحِ محفوظ) میں ہر چیز لکھ دی، پھر سات آسمانوں کو پیدا فرمایا“۔ راوی کہتے ہیں کہ اسی دوران ایک شخص آپ صلی اللہ علیہ و آلہ وسلم کے پاس آیا اور کہا: آپ کی اونٹنی کہیں چلی گئی ہے، تو آپ صلی اللہ علیہ و آلہ وسلم (وہاں سے تشریف لے گئے اور بعد میں) فرمایا: ”میں نے چاہا کہ کاش میں نے اسے وہیں رہنے دیا ہوتا“۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3346]