Mustadrak al-Hakim

سیدنا ابوموسیٰ رضی اللہ عنہ سے روایت ہے کہ نبی کریم صلی اللہ علیہ و آلہ وسلم نے فرمایا: ”جب دوزخی جہنم میں جمع ہوں گے اور ان کے ساتھ اہل قبلہ (مسلمان) میں سے بھی وہ لوگ ہوں گے جنہیں اللہ چاہے گا، تو کفار (مسلمانوں سے) کہیں گے: تمہارے اسلام لانے کا تمہیں کیا فائدہ ہوا جبکہ اب تم بھی ہمارے ساتھ جہنم میں ہو! وہ جواب دیں گے: ہمارے کچھ گناہ تھے جن کی وجہ سے ہماری پکڑ ہوئی، اللہ تعالیٰ ان کی یہ گفتگو سن لے گا، چنانچہ وہ حکم فرمائے گا کہ جہنم میں موجود اہل قبلہ کو نکال لیا جائے، یہ دیکھ کر کفار کہیں گے: کاش! ہم بھی مسلمان ہوتے تو ہم بھی اسی طرح (جہنم سے) نکال لیے جاتے،“ اور رسول اللہ صلی اللہ علیہ و آلہ وسلم نے یہ آیت تلاوت فرمائی: ﴿الر تِلْكَ آيَاتُ الْكِتَابِ وَقُرْآنٍ مُبِينٍ رُبَمَا يَوَدُّ الَّذِينَ كَفَرُوا لَوْ كَانُوا مُسْلِمِينَ﴾ ”الر، یہ کتاب اور واضح قرآن کی آیات ہیں، کسی وقت کافر یہ آرزو کریں گے کہ کاش وہ مسلمان ہوتے۔“ [سورة الحجر: 1 - 2] یہاں آپ صلی اللہ علیہ و آلہ وسلم نے لفظ ( «ربما») کو «ميم» کی تشدید کے ساتھ پڑھا۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ التَّفْسِيرِ/حدیث: 2991]