Mustadrak al-Hakim

سیدنا سلمان فارسی رضی اللہ عنہ سے روایت ہے، انہوں نے کہا: میں نے اپنے مالکان سے اس شرط پر مکاتبت کی کہ میں ان کے لیے پانچ سو کھجور کے پودے لگاؤں گا، جب وہ جڑ پکڑ لیں گے تو میں آزاد ہو جاؤں گا، میں نبی کریم صلی اللہ علیہ و آلہ وسلم کی خدمت میں حاضر ہوا اور آپ سے اس کا ذکر کیا، آپ صلی اللہ علیہ و آلہ وسلم نے فرمایا: ”پودے لگاؤ اور ان سے (کامیابی کی) شرط کر لو، اور جب تم پودے لگانے کا ارادہ کرو تو مجھے اطلاع دینا“، چنانچہ آپ صلی اللہ علیہ و آلہ وسلم تشریف لائے اور پودے لگانے لگے، سوائے ایک پودے کے جو میں نے اپنے ہاتھ سے لگایا تھا، وہ سب کے سب ہرا ہو گئے (جڑ پکڑ لی) سوائے اس ایک پودے کے۔
عاصم بن سلیمان احول کی یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔ [المستدرك على الصحيحين/كِتَابُ الْمُكَاتَبِ/حدیث: 2898]