Mustadrak al-Hakim

سیدنا ابودرداء رضی اللہ عنہ سے روایت ہے کہ رسول اللہ صلی اللہ علیہ و آلہ وسلم ایک غزوے میں تھے، آپ صلی اللہ علیہ و آلہ وسلم نے ایک ایسی عورت کو دیکھا جو حاملہ (بچہ جننے کے قریب) تھی، آپ صلی اللہ علیہ و آلہ وسلم نے دریافت فرمایا: ”شاید اس کے مالک نے اس سے قربت کی ہے؟“ لوگوں نے عرض کیا: جی ہاں، آپ صلی اللہ علیہ و آلہ وسلم نے فرمایا: ”میرا ارادہ ہوا کہ میں اس پر ایسی لعنت کروں جو اس کے ساتھ اس کی قبر میں داخل ہو، وہ اسے (اپنی جائیداد کا) وارث کیسے بنائے گا حالانکہ وہ اس کے لیے حلال نہیں، اور وہ اس سے خدمت کیسے لے گا حالانکہ وہ اس کے لیے حلال نہیں (یعنی عدتِ استبراء سے پہلے قربت کی وجہ سے پیدا ہونے والے بچے کے نسب میں شبہ پیدا ہو گیا)۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔ [المستدرك على الصحيحين/كِتَابُ النِّكَاحِ/حدیث: 2825]