Mustadrak al-Hakim

یزید بن حیان تیمی سے روایت ہے کہ میں سیدنا زید بن ارقم رضی اللہ عنہ کے پاس موجود تھا جب عبیداللہ بن زیاد نے انہیں بلا بھیجا اور کہا: یہ کیسی حدیثیں ہیں جو مجھے آپ کے بارے میں پہنچی ہیں کہ آپ رسول اللہ صلی اللہ علیہ و آلہ وسلم سے بیان کرتے ہیں اور یہ دعویٰ کرتے ہیں کہ جنت میں آپ صلی اللہ علیہ و آلہ وسلم کا ایک حوض ہے؟ انہوں نے جواب دیا: ہمیں رسول اللہ صلی اللہ علیہ و آلہ وسلم نے یہ حدیث سنائی تھی اور اس کا وعدہ فرمایا تھا؛ تو اس نے کہا: آپ جھوٹ بولتے ہیں، آپ (زید بن ارقم) بوڑھے ہو کر سٹھیا گئے ہیں؛ زید رضی اللہ عنہ نے فرمایا: بے شک میرے ان کانوں نے اسے رسول اللہ صلی اللہ علیہ و آلہ وسلم سے سنا ہے اور میں نے آپ صلی اللہ علیہ و آلہ وسلم کو یہ فرماتے ہوئے بھی سنا ہے کہ: ”جس نے مجھ پر جان بوجھ کر جھوٹ باندھا وہ اپنا ٹھکانہ جہنم میں بنا لے“، اور میں نے رسول اللہ صلی اللہ علیہ و آلہ وسلم پر کبھی جھوٹ نہیں بولا۔
اس کا ایک شاہد امام مسلم کی شرط پر زید بن ارقم رضی اللہ عنہ سے مروی ہے جس میں حوض کا ذکر ان الفاظ کے علاوہ ہے۔ [المستدرك على الصحيحين/كِتَابُ الْإِيمَانِ/حدیث: 260]