Mustadrak al-Hakim

سیدنا بریدہ رضی اللہ عنہ سے روایت ہے کہ نبی صلی اللہ علیہ و آلہ وسلم نے ایک شخص کو یہ کہتے ہوئے سنا: «اللّٰهُمَّ إِنِّي أَسْأَلُكَ بِأَنَّكَ أَحَدٌ صَمَدٌ، لَمْ يَلِدْ وَلَمْ يُوْلَدْ، وَلَمْ يَكُنْ لَكَ كُفُوًا أَحَدٌ» ”اے اللہ! میں تجھ سے سوال کرتا ہوں اس وسیلے سے کہ تو ایک ہے، بے نیاز ہے، نہ تو نے کسی کو جنا اور نہ تو جنا گیا، اور کوئی تیرا برابری کرنے والا نہیں ہے“، تو آپ صلی اللہ علیہ و آلہ وسلم نے فرمایا: ”یقیناً اس نے اللہ سے اس کے اسمِ اعظم—یا فرمایا اسمِ اکبر—کے ذریعے سوال کیا ہے کہ جس کے ساتھ پکارنے پر وہ قبول فرماتا ہے اور مانگنے پر عطا کرتا ہے۔“
یہ گزشتہ حدیث کا ایسا شاہد ہے جس کی سند امام مسلم کی شرط پر صحیح ہے۔ [المستدرك على الصحيحين/كتاب الدعاء والتكبير والتهليل والتسبيح والذكر/حدیث: 1880]