Mustadrak al-Hakim

سیدنا عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ و آلہ وسلم نے فرمایا: ”جب اللہ کے خلیل ابراہیم علیہ السلام مناسکِ حج ادا کرنے آئے تو جمرہ عقبہ کے پاس ان کے سامنے شیطان آ گیا، انہوں نے اسے سات کنکریاں ماریں یہاں تک کہ وہ زمین میں دھنس گیا، پھر وہ دوسرے جمرہ کے پاس سامنے آیا تو انہوں نے اسے سات کنکریاں ماریں یہاں تک کہ وہ زمین میں دھنس گیا، پھر وہ تیسرے جمرہ کے پاس سامنے آیا تو انہوں نے اسے سات کنکریاں ماریں یہاں تک کہ وہ زمین میں دھنس گیا۔“ ابن عباس رضی اللہ عنہما نے فرمایا: تم شیطان کو کنکریاں مارتے ہو اور اپنے باپ (ابراہیم علیہ السلام) کی ملت کی پیروی کرتے ہو۔
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔ [المستدرك على الصحيحين/أَوَّلُ كِتَابِ الْمَنَاسِكِ/حدیث: 1731]