Mustadrak al-Hakim

سیدنا یحییٰ بن طلحہ بن عبید اللہ اپنے والد سے روایت کرتے ہیں کہ سیدنا عمر رضی اللہ عنہ نے انہیں (طلحہ کو) غمزدہ دیکھا تو پوچھا: آپ کو کیا ہوا؟ شاید آپ کو اپنے چچا زاد (ابوبکر صدیق رضی اللہ عنہ) کی امارت ناگوار گزری ہے؟ انہوں نے جواب دیا: نہیں - اور ابوبکر رضی اللہ عنہ کی تعریف کی - بلکہ بات یہ ہے کہ میں نے رسول اللہ صلی اللہ علیہ و آلہ وسلم کو یہ فرماتے سنا تھا: ”ایک ایسا کلمہ ہے کہ جو بندہ بھی اپنی موت کے وقت اسے کہہ دے تو اللہ اس کی بے چینی دور فرما دیتا ہے اور اس کا رنگ روشن ہو جاتا ہے“، تو مجھے اس کلمے کے بارے میں آپ صلی اللہ علیہ و آلہ وسلم سے دریافت کرنے سے صرف اس پر قدرت پانے نے روکے رکھا یہاں تک کہ آپ صلی اللہ علیہ و آلہ وسلم کی وفات ہو گئی، اس پر عمر رضی اللہ عنہ نے فرمایا: میں اس کلمے کو جانتا ہوں، طلحہ رضی اللہ عنہ نے پوچھا: وہ کیا ہے؟ عمر رضی اللہ عنہ نے فرمایا: کیا آپ اس کلمے سے بڑھ کر کسی کلمے کو جانتے ہیں جس کا آپ صلی اللہ علیہ و آلہ وسلم نے اپنے چچا کو حکم دیا تھا؛ یعنی «لَا إِلَهَ إِلَّا اللهُ» ؟ طلحہ رضی اللہ عنہ نے کہا: بخدا! یہی وہ کلمہ ہے۔
یہ حدیث شیخین کی شرط پر صحیح ہے لیکن انہوں نے اسے روایت نہیں کیا، رہا وہ وہم جو محمد بن عبد الوہاب نے مسعر سے روایت کرتے ہوئے کیا ہے (تو وہ الگ بات ہے)۔ [المستدرك على الصحيحين/كِتَابُ الْجَنَائِزِ/حدیث: 1313]