مسند احمد

حضرت میمونہ بنت کردم رضی اللہ عنہا سے مروی ہے کہ میں نے نبی صلی اللہ علیہ و آلہ وسلم کی زیارت مکہ مکرمہ میں کی ہے، اس وقت نبی صلی اللہ علیہ و آلہ وسلم اپنی اونٹنی پر سوار تھے اور میں اپنے والد صاحب کے ساتھ ان کے پیچھے سوار تھی۔ حضرت میمونہ رضی اللہ عنہا کہتی ہیں کہ میرے والد نے نبی صلی اللہ علیہ و آلہ وسلم سے پوچھا کہ میں نے یہ منت مانی تھی کہ میں بوانہ کی چوٹی پر پچاس بکریاں ذبح کروں گا، نبی صلی اللہ علیہ و آلہ وسلم نے پوچھا: ”کیا وہاں کوئی بت وغیرہ ہے؟“ انہوں نے عرض کیا: نہیں، نبی صلی اللہ علیہ و آلہ وسلم نے فرمایا: ”تو پھر تم نے اللہ کے لئے جو منت مانی ہے اسے پورا کرو۔“ [مسند احمد/ مسند النساء/حدیث: 27066]