مسند احمد

وفد عبدالقیس کے لوگ کہتے ہیں کہ انہوں نے نبی صلی اللہ علیہ و آلہ وسلم کو یہ فرماتے ہوئے سنا ہے کہ اے اللہ! ہمیں اپنے منتخب غیر محجل اور وفد متقبل میں شمار فرما، لوگوں نے پوچھا یا رسول اللہ! صلی اللہ علیہ و آلہ وسلم اللہ کے منتخب بندوں سے کیا مراد ہے؟ نبی صلی اللہ علیہ و آلہ وسلم نے فرمایا اللہ کے نیک بندے مراد ہیں، لوگوں نے پوچھا یا رسول اللہ! صلی اللہ علیہ و آلہ وسلم غیر محجل بندوں سے کیا مراد ہے؟ نبی صلی اللہ علیہ و آلہ وسلم نے فرمایا جن کے اعضاء وضو چمک رہے ہوں گے، لوگوں نے پوچھا یا رسول اللہ! صلی اللہ علیہ و آلہ وسلم وفد متقبل کے بندوں سے کیا مراد ہے؟ نبی صلی اللہ علیہ و آلہ وسلم نے فرمایا اس امت کے وہ لوگ جو اپنے نبی کے ساتھ اللہ کی بارگاہ میں وفد کی صورت میں حاضر ہوں گے۔ [مسند احمد/مسنَد الشَّامِیِّینَ/حدیث: 17832]