مسند احمد

حضرت عمرو بن عبسہ رضی اللہ عنہ سے مروی ہے کہ میں نے بارگاہ رسالت میں عرض کیا: یا رسول اللہ! آپ کے ساتھ اس دین پر اور کون لوگ ہیں؟ نبی صلی اللہ علیہ و آلہ وسلم نے فرمایا: ”آذاد بھی اور غلام بھی“، اس وقت نبی صلی اللہ علیہ و آلہ وسلم کے ہمراہ ہی حضرت ابوبکر رضی اللہ عنہ حضرت بلال رضی اللہ عنہ تھے، پھر نبی صلی اللہ علیہ و آلہ وسلم نے فرمایا: ”اپنی قوم میں واپس چلے جاؤ یہاں تک کہ اللہ تعالیٰ اپنے پیغمبر کو غلبہ عطاء فرما دے“، حضرت عمرو رضی اللہ عنہ فرماتے تھے کہ میں نے وہ وقت دیکھا ہے جب میں چوتھائی اسلام تھا، (اسلام قبول کرنے والوں میں چوتھا فرد)۔ [مسند احمد/مسنَد الشَّامِیِّینَ/حدیث: 17028]