سیدنا انس بن مالک رضی اللہ عنہ کہتے ہیں کہ محمد الرسول اللہ صلی اللہ علیہ و آلہ وسلم قوم میں درمیانے تھے، نہ بہت لمبے اور نہ ہی چھوٹے، اور روشن چہرے والے تھے اور چمکدار جسم والے، نہ بہت سفید نہ زیادہ گندمی، کنگی کیے ہوئے بالوں والے تھے، اور نہ بہت زیادہ گھنگریالے بالوں والے تھے اور نہ بہت کھلے بالوں والے، چالیس سال کی عمر میں آپ صلی اللہ علیہ و آلہ وسلم کو رسول بنا کر بھیجا گیا، آپ صلی اللہ علیہ و آلہ وسلم مکے میں دس (10) سال ٹھہرے اور مدینے میں بھی دس سال، اور آپ صلی اللہ علیہ و آلہ وسلم فوت ہوئے جب کہ آپ صلی اللہ علیہ و آلہ وسلم ساٹھ سال کے تھے۔ آپ صلی اللہ علیہ و آلہ وسلم کے سر میں اور داڑھی میں بیس بال بھی سفید نہ تھے۔ [معجم صغير للطبراني/كِتَابُ الْمَنَاقِبُ/حدیث: 861]