سیدنا مقداد بن الاسود رضی اللہ عنہ کہتے ہیں: جب ہم ہجرت کر کے مدینہ چلے گئے تو ہمیں رسول اللہ صلی اللہ علیہ و آلہ وسلم نے دس دس میں تقسیم کر دیا اور میں ان دس میں تھا جو نبی صلی اللہ علیہ و آلہ وسلم کے ساتھ تھے۔ تو ہماری ایک بکری تھی، ہم اس کا دودھ آپس میں پی لیتے، ایک رات آپ صلی اللہ علیہ و آلہ وسلم دیر سے تشریف لائے تو ہم نے آپ صلی اللہ علیہ و آلہ وسلم کا حصہ رکھ دیا، میں اٹھا تو بھوک محسوس کی اور وہ دودھ پی لیا۔ جب آپ صلی اللہ علیہ و آلہ وسلم تشریف لائے تو میں سویا نہیں تھا، آپ صلی اللہ علیہ و آلہ وسلم اس برتن کے پاس آئے جس میں ہم آپ صلی اللہ علیہ و آلہ وسلم کے لیے دودھ رکھتے تھے تو وہاں کچھ نہ پایا، تو میں نے کہا: یا رسول اللہ! میں اس کو ذبح نہ کر دوں؟ آپ صلی اللہ علیہ و آلہ وسلم نے فرمایا: ”نہیں۔“ [معجم صغير للطبراني/كِتَابُ الذَّبَائِح/حدیث: 468]